መሰረታዊ የኮምፒውተር ስልጠና ተሰጠ

---

ለንጋት ኮከብ ቅድመ አንደኛ ደረጃ መምህራን መሰረታዊ የኮምፒውተር ስልጠና ተሰጠ

 

20/01/2019 ዓ.ም

 

በንጋት ኮከብ አንደኛና መካከለኛ ደረጃ መምህራንን ያሳተፈ መሰረታዊ የኮምፒውተር ስልጠና በዛሬው ዕለት፣ 20/01/2019 ዓ.ም ተሰጠ።

 

ስልጠናው የመምህራንን የዲጂታል ክህሎት ለማሳደግ፣ ኮምፒውተርን በተለያዩ የሥራ እና የመማር ማስተማር ሂደቶች ውስጥ በብቃት እንዲጠቀሙ ለማስቻል የተዘጋጀ ነበር።

 

የስልጠናው ዋና ትኩረት

 

የስልጠናው ዋና ትኩረት Microsoft PowerPoint አቀራረብ አዘገጃጀትና አጠቃቀም ላይ ያተኮረ ነበር። በዚህም መምህራኑ የትምህርት ይዘቶችን በPowerPoint በመጠቀም በግልጽ፣ በሚስብ እና ለተማሪዎች ቀላል በሆነ መልኩ ማቅረብ የሚያስችላቸውን መሰረታዊ ክህሎቶች ተምረዋል።

 

በስልጠናው ወቅት ከPowerPoint ጋር በተያያዘ የስላይድ አዘገጃጀት፣ የጽሑፍ አቀማመጥ፣ ምስሎችን ማካተት፣ የትምህርት ይዘትን በተደራጀ መልኩ ማቅረብ እና የአቀራረብ ስላይዶችን ለትምህርት ዓላማ በተገቢው መልኩ መጠቀም ላይ ተግባራዊ ልምምድ ተካሂዷል።

 

ተግባራዊ ልምምድ

 

ስልጠናው ከንድፈ ሐሳብ ብቻ የተገደበ ሳይሆን በተግባር የተደገፈ ነበር። ተሳታፊ መምህራንም የተማሩትን የPowerPoint ክህሎት በመጠቀም የራሳቸውን የስላይድ አቀራረብ በመስራት ተለማምደዋል።

 

ይህም መምህራኑ የኮምፒውተር እውቀታቸውን ከማሳደግ ባሻገር፣ ቴክኖሎጂን በቀጥታ ከዕለታዊ የማስተማር ሥራቸው ጋር እንዲያቀናጁ የሚያግዝ ልምድ እንዲያገኙ አስችሏቸዋል።

 

የስልጠና አሰልጣኞች

 

ይህንን ጠቃሚ ስልጠና መምህር ኣብዪ ደሴ እና መምህር ሰለሞን ምህረት በመስጠት የመምህራኑን የኮምፒውተር እና የPowerPoint አጠቃቀም ክህሎት ለማሳደግ አስተዋጽኦ አድርገዋል።

 

የስልጠናው አስፈላጊነት

 

በዘመናዊው የትምህርት ሥርዓት የዲጂታል ቴክኖሎጂ አጠቃቀም የመምህራንን የማስተማር ክህሎት ለማጠናከር ጠቃሚ ሚና አለው። በተለይም PowerPointን በተገቢው መልኩ መጠቀም የትምህርት ይዘቶችን በምስልና በተደራጀ አቀራረብ ለተማሪዎች ለማቅረብ ያግዛል።

 

ስለሆነም የዛሬው ስልጠና የመምህራንን የቴክኖሎጂ አጠቃቀም ክህሎት ከማጎልበት ባሻገር፣ በተማሪዎች ላይ የተሻለ ተሳትፎን ለማበረታታት እና የመማር ማስተማር ሂደቱን ይበልጥ ማራኪና ተግባራዊ ለማድረግ የሚያግዝ ጠቃሚ እርምጃ ነው።

 

ንጋት ኮከብ ቅድመ አንደኛ፣ አንደኛ እና መካከለኛ ደረጃ ትምህርት ቤት

 

“በእውቀት፣ በክህሎትና በቴክኖሎጂ የተሻለ ትውልድ እንገነባለን!”

.